تلنگانہ میں گرام پنچایت انتخابات۔ تیسرے مرحلہ کی انتخابی مہم زور و شور سے جاری

حیدرآباد: تلنگانہ میں گرام پنچایت انتخابات کے تیسرے اور آخری مرحلہ کی انتخابی مہم زور و شور سے جاری ہے۔ سرپنچ اور وارڈ ممبر کے امیدواروں نے ووٹنگ سے قبل ووٹروں کو راغب کرنے کے لئے اپنی سرگرمیاں تیز کر دی ہیں۔

تیسرے مرحلہ کے لئے ووٹنگ 17 دسمبر 2025 کو مقرر ہے۔ اس مرحلہ میں 4,159 گرام پنچایتوں میں رائے دہی ہوگی۔

کئی مقامات پر سخت مقابلہ دیکھنے کو مل رہا ہے جہاں تقریباً 12,640 امیدوار 3,752 سرپنچ نشستوں کے لئے میدان میں ہیں۔

مقامی ذرائع کے مطابق امیدوار گھر گھر جا کر ووٹروں سے ملاقاتیں کر رہے ہیں اور اپنے اپنے علاقوں کی ترقی، بنیادی سہولتوں اور عوامی مسائل کے حل سے متعلق وعدوں کے ساتھ انتخابی مہم چلا رہے ہیں۔