دولہے کا رونالڈو اسٹائل، سوشل میڈیا پر وائرل

سعودی عربیہ: سعودی شہری کی جانب سے اپنی شادی کی خوشی میں انوکھا انداز اپنا یا گیا۔ اس شخص نے النصر فٹبال کلب کے معروف کھلاڑی کرسٹیانو رونالڈو کا اسٹائل دکھاتے ہوئے سوشل میڈیا پر ویڈیو وائرل کردی۔

سوشل میڈیا پر ویڈیو وائرل ہورہی ہے اس میں دیکھا جاسکتا ہے کہ دولہا اپنی گاڑی سے نکل کر اس طرح کے ایکشن کر رہا ہے جس طرح رونالڈو اسٹیڈیم میں گول کرنے کے بعد خوشی کے اظہار میں کرتے ہیں۔

سعودی شخص نے گاڑی سے نکل کر دوڑ لگائی، اس کے بعد چھلانگ لگا کر فرنٹ کی طرف چہرہ کرلیا اور دونوں ہاتھوں کو پھیلا دیا اور رونالڈو اسٹائل کرنے لگا۔

سعودی دولہے کی سامنے آنے والی ویڈیو کے بعد سوشل میڈیا پر صارفین کی جانب سے دلچسپ تبصرے کئے جارہے ہیں۔