دلجیت کو شراب، منشیات اور تشدد کے فروغ کے گانے نہ گانے کی ہدایت

حیدرآباد: حکومت تلنگانہ نے پنجاب کے گلوکار دلجیت دوسانجھ کو نوٹس جاری کرتے ہوئے انہیں ہدایت دی ہے کہ وہ یہاں جمعہ کے روز منعقد شدنی لومیناتی کنسٹرٹ میں شراب، منشیات اور تشدد کو فروغ دینے والا کوئی گانا (نغمہ) نہ گائے۔

نوٹس میں دلجیت کو اس بات کی بھی ہدایت دی کہ کنسٹرٹ کے دوران بچوں کو اسٹیج پر مدعونہ کریں۔ یہ کنسٹرٹ جی ایم آر آیرینا، ایر پورٹ ایروچ روڈ پر آج منعقد ہوگا۔ محکمہ بہبود خواتین واطفال کے ضلع رنگاریڈی کے عہدیدار نے 7 نومبر کو دلجیت کو نوٹس جاری کی۔

 چندی گڑھ کے ایک پروفیسر پنڈت راؤ دھرینوار کی شکایت پر انہیں یہ نوٹس جاری کی گئی۔ اپنی شکایت میں انہوں نے دلجیت کو لائیو شو میں اس طرح کے گانے گانے سے روکنے کی خواہش کی تھی۔ شکایت کنندہ نے ایک ویڈیو ثبوت کے طور پر پیش کیا جس میں دہلی میں منعقدہ ایک لائیو شو کے دوران دلجیت کو شراب، منشیات اور تشدد کے فروغ کے گانے گاتے ہوئے دکھایا گیا۔

دہلی میں یہ شو26 اور27 اکتوبر کو منعق ہوا تھا۔ اس ویڈیو ثبوت پر ہم نے دلجیت کو ایڈؤانسڈ میں یہ نوٹس جاری کی ہے۔ جس میں انہیں شراب، منشیات اور تشدد کو بڑھاوا دینے والے گانے نہ گانے کی ہدایت دی گئی۔