گروپ 1امتحان، ہائی کورٹ کے عبوری حکم پر مداخلت سے سپریم کورٹ کا انکار

حیدرآباد: تلنگانہ ہائی کورٹ کے گروپ 1 امتحانات کے عبوری حکم پر سپریم کورٹ نے مداخلت کرنے سے انکار کر دیا ہے۔

عدالت عظمی نے کہا کہ ہائی کورٹ کی ڈویژن بنچ نے گروپ 1 تقررات پر عبوری حکم دیا تھا، اس لئے اس مرحلہ پر سپریم کورٹ مداخلت نہیں کر سکتی۔

وی انوش نامی شخص نے گروپ 1 تقررات کے خلاف سپریم کورٹ میں چیلنج دائر کیا تھا۔ اس معاملہ کی سماعت جسٹس سوری کانت کی قیادت میں بنچ نے کی۔ عدالت نے واضح کیا کہ ہائی کورٹ کی ڈویژن بنچ اس معاملہ کی سماعت اس ماہ 15 تاریخ کو کرے گی، اس لئے فی الحال مداخلت نہیں کی جا سکتی۔

یاد رہے کہ اسی کیس میں ایک اور شخص کی جانب سے دائر کی گئی درخواست پر دو دن قبل سپریم کورٹ نے دو دن کے لئے مداخلت کرنے سے انکار کیا تھا۔ اب دوبارہ سپریم کورٹ نے یہی موقف دہرایا ہے، جس سے تلنگانہ حکومت کوایک اورراحت نصیب ہوئی ہے۔