ملاپورم میں گھرپربچوں کی پیدائش کا بڑھتا ہوا رجحان

ملاپورم: کیرالا کے ملاپورم ضلع میں سماج کے ایک طبقے میں گھر میں بچے پیدا کرنے کا بڑھتا ہوا رجحان ماؤں اور بچوں کی زندگیوں کو خطرے میں ڈال رہا ہے۔

ذرائع کے مطابق یہاں تک کہ ڈاکٹروں اور محکمہ صحت کے عملہ کو بھی مقامی مذہبی گروپوں کے زیر انتظام ایسے ہوم ڈیلیوری مراکز میں جانے کی اجازت نہیں ہے۔ اسپتالوں کے بجائے حاملہ خواتین کی ایک بڑی تعداد سماجی اور مذہبی وجوہات کی بنا پر ہوم ڈیلیوری مراکز کا انتخاب کرتی ہے۔

 اس طرح کے غیر مجاز مراکز پیدائش کے دوران پیچیدگیوں کی صورت میں ماؤں کو ہنگامی مدد فراہم کرنے میں ناکام رہتے ہیں۔

ایسے میں ڈاکٹرز یا محکمہ صحت کا عملہ ان کی میڈیکل ہسٹری کے بارے میں جاننے سے محروم رہتا ہے اور ساتھ ہی بچوں اور ماؤں کی حفاظت کا بھی فقدان رہتا ہے۔

 اس سے قبل، ریاستی حکومت نے کیرالہ کے مسلم اکثریتی ضلع ملاپورم میں خسرہ اور روبیلا ویکسین کی خوراک دینے میں تعاون کے لیے ایک مہم شروع کی تھی۔