مسلم نوجوان پر حملہ کرنے والے ہنومان بھکت گرفتار، شرپسند عدالتی تحویل میں

بھینسہ: کے ٹی آر کے روڈ شو کے موقع پر ہنومان بھکتوں کی جانب سے احتجاج کے دوران شہر کے ایک مسلم نوجوان شیخ واجدقریشی پر حملہ کردیا جس کے نتیجہ میں وہ شدید زخمی ہوگئے تھے۔

انہیں نرمل کے یک خانگی دواخانے میں شریک کیاگیاہے۔کل رات سے ہی پولیس کی جانب سے خاطیوں کی شناخت کیلئے سی سی کمیروں اور ویڈیو کی جانچ کرکے خاطیوں کی نشاہندہی کی گئی راتوں رات 23شرپسند ہنومان بھکت اور دیگر ہندونوجوانوں کو گرفتار کرکے عدالتی تحویل میں دیدیا گیا۔

متاثرہ نوجوان کے والد شیخ ابراہیم قریشی کی جانب سے پولیس میں شکایت کی گئی تھی۔پولیس کی جانب سے کرائم نمبر 103/24/درج کیا گیا۔

مختلف دفعات کے تحت تقریباً 40سے زائد افراد پر مقدمہ درج کیا گیا۔ان میں داس سری ہرش وردھن،پی اجئے،اے سائی کمار، ٹی راکیش‘کے پروین،بی مدہو،ای دیویندر، کدم ناگاراجنا،اے وگنیش کمار،ٹوٹاراہول، اے سائیناتھ،ایس لنگورام،کے گنگادھر،کے راجند ر،ایم شیوا،ایس شیام،سی گنیش،اے رام،اے شیام،جئے سنتوش،بی آکاش،سی مہیش اورآر رامو شامل ہیں۔ملزمین کو آج صبح عدالتی تحویل میں دیدیا گیا۔مزید گرفتاریو ں سلسلہ جاری ہے۔

اس ضمن میں ضلع ایس پی جانکی شرمیلا نے آج پولیس اسٹیشن میں مقامی پولیس آفیسرس کے ساتھ جائزہ اجلاس منعقد کرتے ہوئے تمام حالات سے واقفیت حاصل کی۔اس اجلاس میں اے ایس پی کانتی لال شبھا ش پاٹل،سرکل انسپکٹر راجہ ریڈی،رولر سرکل انسپکٹر سرینواس کے علاوہ انٹلیجنس انسپکٹر پروین کمار ودیگر شریک تھے۔

بعدا زاں ضلع ایس پی نے میڈیا سے بات کرتے ہوئے کہاکہ پرامن فضاء کو مکدرکرنے والوں کو بخشانہیں جائے گا۔انہوں نے کہا کہ شہر میں افواہوں کا بازار گرم ہے۔عوام افواہوں پر دھیان نہ دیں۔کسی بھی طرح کی شرپسندی کی اطلاع فوری پولیس کودیں۔

کل ہوئے واقعہ میں مختلف مقدما ت درج کرکے 23 افرادکو گرفتارکرلیا گیا۔ مزید گرفتاریوں کا سلسلہ جاری ہے۔سی سی کمیروں اور ویڈیو کے ذریعہ تحقیقات جاری ہیں۔انہوں نے کہاکہ کوڈ آف کنڈکٹ کے تحت بھی مقدمات درج کیئے گئے ہیں۔انہوں نے کہاکہ شہر میں پولیس کا وسیع تربندوبست کیا گیاہے۔

پٹرولنگ میں تیزی پیدا کردی ہے۔ جمعہ کے پیش نظرپویس کی جانب سے بند وبست کیئے گئے۔ سب انسپکٹر محمد غوث کی نگرانی میں آئی ٹی بی ایف کے نوجوانوں کومختلف مقامات کا گشت کرویاگیا۔ ایس پی جانکی شرمیلا بھینسہ میں قیام کئے ہوئے ہیں اور حالات پر مکمل نظر رکھے ہوئے ہیں۔

بی آریس کوآرڈنیشن کمیٹی کی جانب سے بھی پولیس اسٹیشن میں شکایت داخل کرکے بی آریس کے کارگذار صدر کے ٹی آر کے روڈ شو کے دوران ہنگامہ آرائی کرکے انتخابی مہم میں خلل ڈالنے والوں کے خلاف کاروائی کا مطالبہ کیا گیاہے۔