گیان واپی کیس میں سماعت ملتوی

پریاگ راج: الہ آبادہائیکورٹ نے پیر کے روز انجمن انتظامیہ کمیٹی کی درخواست پر سماعت ملتوی کردی جس کے ذریعہ وارانسی میں گیان واپی مسجد کے مقام پرمندرکی بحالی کیلئے ایک مقدمہ کوقبول کرنے کوچالینج کیاگیاتھا۔

 چیف جسٹس پریتنکردیواکرنے درخواست گزار کے وکیل کی گزارش پر یہ حکم جاری کیا۔ انجمن انتظامیہ کمیٹی نے وارانسی کی عدالت میں مقدمہ دائر کیاہے جس میں درخواست گزارنے کاشی وشواناتھ مندرسے متصل گیان واپی مسجد کے مقام پرمندرکوبحال کرنے کی گزارش کی ہے۔

 ہائیکورٹ کے چیف جسٹس نے اس کیس کو واحد رکنی بنچ سے واپس لے لیاتھاجواس معاملہ کی2021 سے سماعت کررہاتھا۔بعدازاں انہوں نے کہاتھاکہ عدالتی اصولوں، عدالتی ڈسپلن کے مفاد میں اورکیسس کی لسٹنگ میں شفافیت کی خاطر انتظامی عہدیداروں کویہ فیصلہ لیاہے۔