میر واعظ کی نظر بندی پر 4 اکتوبر کو ہائی کورٹ میں سماعت

سری نگر: میرواعظ مولوی محمد عمر فاروق کی نظر بندی کے حوالہ سے جموں وکشمیر و لداخ ہائی کورٹ میں کیس سماعت کے لئے 4 ا کتوبر 2024 کو درج کیا گیا ہے۔

بیان کے مطابق میر واعظ عمر فاروق گزشتہ ایک ماہ سے گھر میں نظر بند ہیں۔یہاں یہ بات قابل ذکر ہے کہ میرواعظ مولوی محمد عمر فاروق نے قبل ازیں جموں و کشمیر اور لداخ ہائی کورٹ میں ایک رٹ پٹیشن نمبر 2400/2024دائر کی تھی، جس کی سماعت نومبر 2024میں درج کی گئی تھی۔

بیان کے مطابق چونکہ رٹ پٹیشن کے زیر التوا ہونے کے دوران بھی میرواعظ کوایک بار پھر غیر قانونی اور غیر دستوری طور حراست میں رکھا جا رہا ہے اور انہیں اس کے بنیادی اور مذہبی حقوق سے محروم رکھا گیا ہے۔

اس لئے میرواعظ کو ایک اورCMP نمبر5884/2024 ایک فوری سماعت کے لئے دائر کرنے پر مجبور کیا گیا اور اس درخواست کی پیروی میں CMP نمبر اب اس ماہ کی 4 تاریخ کو ہائی کورٹ میں سماعت کے لئے درج ہے۔

امید ہے کہ ہائی کورٹ‘ میرواعظ کو نظر بندی سے فوری ریلیف فراہم کرے گی اور انہیں رہا کیا جائے گا۔