حیدرآباد میں گرمی کی شدت میں اضافہ کا امکان
مرکز موسمیات نے پیش قیاسی کی ہے کہ آئندہ چند دنوں تک موسم خشک رہے گا۔اس دوران بارش نہ ہونے سے گرمی میں مزید اضافہ کا امکان ہے جس سے عوام کو گھروں سے باہر نکلنا مشکل ہوجائے گا۔رات کے درجہ حرارت میں بھی اضافہ ہوگا۔
حیدرآباد:غیرموسمی بارش کاسلسلہ تھم جانے کے بعد حیدرآبادکے عوام کوگرمی میں شدت اور خشک موسم کاسامنا کرناپڑے گا۔ محکمہ موسمیات کے مرکز حیدرآبادکے مطابق دن کا درجہ حرارت 36 ڈگری سلسیس سے زائد درج ہونے کا امکان ہے جس کے ساتھ شہر کے عوام گرم موسم سے بے چینی محسوس کریں گے۔
مرکز موسمیات نے پیش قیاسی کی ہے کہ آئندہ چند دنوں تک موسم خشک رہے گا۔اس دوران بارش نہ ہونے سے گرمی میں مزید اضافہ کا امکان ہے جس سے عوام کو گھروں سے باہر نکلنا مشکل ہوجائے گا۔رات کے درجہ حرارت میں بھی اضافہ ہوگا۔
اقل ترین درجہ حرارت 23 ڈگری سلسیس کے آس پاس رہنے کا امکان ہے۔ تلنگانہ اسٹیٹ ڈیولپمنٹ پلاننگ سوسائٹی کے مطابق آئندہ تین دنوں کے دوران چنداضلاع جن میں نرمل‘عادل آباد‘کمرم بھیم آصف آباد‘جگتیال‘ نظام آباد اور منچریال شامل ہیں‘ میں ہلکی بارش کاامکان ہے اور اضلاع میں گرمی کی شدت میں اضافہ کی پیش قیاسی کی گئی ہے۔
