عثمان ساگر اور حمایت ساگر میں پانی کا شدید بہاو درج

حیدرآباد: تلنگانہ کے رنگاریڈی ضلع میں کئی مقامات پر موسلادھار بارش ہورہی ہے جس کی وجہ سے آبی ذخائر عثمان ساگر اور حمایت ساگر میں پانی کا شدیدبہاودرج کیاگیا۔

بھاری سیلابی پانی آرہا ہے۔موسی ندی کی سطح میں بھی اضافہ ہوا ہے۔پانی موسی رام باغ بریج کو چھو رہا ہے۔

ہنگامی حالات میں عوامی شکایات وصول کرنے کے لیے ٹول فری نمبرس قائم کیے گئے ہیں۔ ٹول فری نمبر040 21111111، ڈی آرایف نمبر 90001 13667۔

جی ایچ ایم سی نے اپنے عملہ کو صورتحال کے بارے میں چوکس کررہنے کی ہدایت دی ہے۔ حکام نے شہریوں کو مشورہ دیا ہے کہ وہ صرف ضرورت پڑنے پر ہی گھروں سے باہر نکلیں۔