مہاراشٹر کے کئی علاقوں میں زوردار بارش، نظام زندگی درہم برہم، کئی دریاؤں میں طغیانی
مہاراشٹرا کے کئی حصوں میں موسلادھار بارش کا سلسلہ جاری ہے۔ اس بارش کی وجہ سے کئی مقامات پر نظام زندگی درہم برہم ہوگیا ہے۔ کئی دریاؤں میں طغیانی آگئی ہے۔
![مہاراشٹر کے کئی علاقوں میں زوردار پارش، نظام زندگی درہم برہم، کئی دریاؤں میں طغیانی](https://urdu.munsifdaily.com/wp-content/uploads/2024/07/MAHARASHTRA-RAINS.jpg)
تھانے: مہاراشٹرا کے کئی حصوں میں موسلادھار بارش کا سلسلہ جاری ہے۔ اس بارش کی وجہ سے کئی مقامات پر نظام زندگی درہم برہم ہوگیا ہے۔ کئی دریاؤں میں طغیانی آگئی ہے۔
ممبئی کے ساتھ تھانے اور پالگھر کے علاقوں میں بھی موسلادھار بارش ہو رہی ہے اور پورے کونکن سمیت ریاست کے کچھ اضلاع میں بھی موسلادھار بارش ہوئی۔ کونکن کے رائے گڑھ، سندھو درگ اور رتناگیری اضلاع میں ندیوں میں طغیانی آگئی ہے۔
مغربی مہاراشٹر میں بھی موسلادھار بارش ہو رہی ہے۔ دریں اثنا، محکمہ موسمیات نے اگلے 24 گھنٹوں کے دوران ریاست میں کئی مقامات پر موسلادھار سے بہت زیادہ بارش ہونے کا امکان ظاہر کیا ہے۔ بعض مقامات پر شدید بارش کی وارننگ بھی دی گئی ہے۔
محکمہ موسمیات کی طرف سے فراہم کردہ معلومات کے مطابق کونکن میں آج ریڈ الرٹ جاری کیا گیا ہے اور اس علاقے میں شدید بارش اور ژالہ باری کی وارننگ دی گئی ہے۔ موسلا دھار بارش نے مکمل طور پر کونکن کو لپیٹ میں لے لیا ہے۔ موسلا دھار بارش، ندی اور نالے بہہ رہے ہیں۔ ایک بار پھر تین شہر کھیڈ، چپلون، مہاد سیلاب کے دہانے پر ہیں۔ انتظامیہ نے شہریوں کو محتاط رہنے کی ہدایت کی ہے۔ محکمہ موسمیات نے ریڈ الرٹ جاری کر دیا ہے۔
کونکن میں کئی سڑکیں زیر آب آگئی ہیں۔ کھیڈ شہر میں سیلاب جیسی صورتحال پیدا ہوگئی ہے۔ کھیڈ-ڈاپولی سڑک بند کر دی گئی ہے۔ اس کی وجہ سے کچھ دیہاتوں سے رابطہ منقطع ہوگیا ہے اور انتظامیہ نے ضروری مقامات پر پولیس فورس تعینات کردی ہے۔ رتناگیری-سنگمیشور-کھیڈ-چپلون اور داپولی تعلقہ میں بارش جاری ہے۔ کئی مقامات پر لینڈ سلائیڈنگ بھی ہوئی ہے۔
دیہی علاقوں میں ایس ٹی ٹریفک بھی ٹھپ ہوگئی ہے۔ جس کی وجہ سے کام پر آنے جانے والے شہریوں کے ساتھ ساتھ سرکاری ملازمین کو بھی شدید مشکلات کا سامنا کرنا پڑا۔ اس کے علاوہ کولہاپور اور سانگلی اضلاع میں بھی موسلادھار بارش جاری ہے۔ کولہاپور میں دریائے پنچ گنگا کے پانی کی سطح بڑھ رہی ہے۔ اس طرح سانگلی میں بھی کرشنا ندی کے پانی کی سطح بڑھ رہی ہے۔