حیدرآباد میں موسلا دھار بارش ہوئی

حیدرآباد: شہر حیدرآباد میں کل شب شدید بارش ہوئی۔بارش کاسلسلہ تقریبا دیڑھ گھنٹہ تک جاری رہا۔

کئی مقامات پر احتیاطی طور پر بجلی کی سپلائی بند کر دی گئی ہے۔

بارش کا پانی نشیبی علاقوں میں داخل ہوگیا ہے۔

بارش کے سبب گرمی کی لہر میں کمی دیکھی گئی تاہم پیر کی صبح معمول کے مطابق گرمی کی شدت دیکھی گئی۔

شہر کے راجندر نگر میں 52.3 ملی میٹر بارش ریکارڈ کی گئی ہے۔

عنبرپیٹ میں 45.8 ملی میٹر، شیورام پلی میں 45.3 ملی میٹر، گچی باولی میں 44.5 ملی میٹر بارش درج کی گئی۔

محکمہ موسمیات کا کہنا ہے بی ایچ ای ایل علاقہ میں سب سے کم 19 ملی میٹر بارش ریکارڈ کی گئی ۔