برسر خدمت گیسٹ لکچررس کو برقرار رکھنے ہائی کورٹ کا حکم

حیدرآباد: تلنگانہ اسٹیٹ ہائی کورٹ نے ریاستی حکومت کو گزشتہ تعلیمی سال سے برسر خدمت گیسٹ لکچررس کی خدمات کو برقراررکھنے کی ہدایت دی۔ عدالت کی ہدایت میں واضح کیا کہ پہلے ہی سے برسرخدمت لکچررس کی خدمات کو اُسی وقت جاری رکھا جاسکتا ہے۔

 جب یہ ملازمت کیلئے پوری طرح اہل ہوں اور ان کے خلاف کوئی شکایت درج نہیں کی گئی ہو۔ عدالت شیخ یعقوب پاشاہ و دیگر19 افراد کی جانب سے داخل کردہ عرضی پر سماعت کررہی تھی۔

 یعقوب پاشاہ و دیگر 2017 سے مختلف جونیر کالجس میں بطور گیسٹ لکچررس خدمت انجام دے رہے ہیں اور وقتاً فوقتاً ان کی خدمات میں توسیع کی گئی۔

واضح رہے کہ حکومت کی جانب سے 14/ اکتوبر 2021 اور8ستمبر2022میں میموز جاری کرتے ہوئے گیسٹ لکچررس کے نظام کو کو ترجیح دینے کا اشارہ دیا تھا مگر 18جولائی 2023 کو جاری کردہ احکامات میں موجودہ گیسٹ لکچررس کے متعلق کوئی تذکرہ نہیں کیا گیا۔