پہلی مرتبہ گھر آنے والے داماد کی 130پکوانوں سے میزبانی (ویڈیو)

حیدرآباد: آندھرا کا ایک داماد جو سنکرانتی تہوار کے لیے حیدرآباد آیا تھا، اپنے سسرال والوں کی میزبانی سے حیران رہ گیا۔ شادی کے بعد پہلی بار آنے والے داماد کے لیے سسرال والوں نے 130 مختلف پکوانوں کا اہتمام کیا۔

انہوں نے کاکیناڈا سے تعلق رکھنے والے اپنے داماد کو تلنگانہ کے کھانوں کا ذائقہ چکھایا۔ حیدرآباد کے سرور نگر کے قریب شاردا نگر میں رہنے والے ایک جوڑے کانتری اور کلپنا کی دو بیٹیاں ہیں۔

سب سے بڑی بیٹی کی شادی چار ماہ قبل کاکیناڈا کے ملکارجن سے ہوئی تھی۔ سنکرانتی پر پہلی بار گھر آنے والے اپنے داماد کیلئے انہوں نے 130 مختلف پکوان تیار کئے۔ان ڈشس کی ویڈیو سوشیل میڈیا پر وائرل ہوگئیں۔

تلگو ریاستوں تلنگانہ اور آندھراپردیش میں اہم مانے جانے والے سنکرانتی تہوار کے موقع پر مہمانوں کی ضیافت کی جاتی ہے۔اس تہوار کے موقع پر دامادوں کو مدعو کرنے کی بھی روایت ہے۔