سیاسی فائدہ کیلئے بی جے پی کتنی بار بھگوان رام کو استعمال کرے گی؟: کپل سبل
کپل سبل نے کہا کہ ”بی جے پی کتنے بار اپنے سیاسی فائدہ کے لیے بھگوان رام کو استعمال کرے گی؟ کیوں بھگوان رام کے اصولوں کو آپ گلے نہیں لگاتے؟ ان کی ہمت، استقامت، وفاداری، جذبہ، محبت، اطاعت اور یکسانیت پر کیوں عمل نہیں کرتے؟
نئی دہلی: رکن راجیہ سبھا کپل سبل نے آج سیاسی فائدہ کے لیے بھگوان رام کا نام لینے کا بی جے پی پر الزام عائد کیا اور کہا کہ حکمراں پارٹی کی حکمرانی کے دوران ان کے اصولوں کا مظاہرہ نہیں کیا گیا۔ ایودھیا میں بھگوان رام کے نام سے ایک عظیم مندر معنون کیے جانے کے بارے میں وزیر اعظم نریندر مودی کے بیان کے ایک ہی دن بعد سب نے یہ ریمارک کیا۔
مودی نے کہا تھا کہ بھگوان شری رام بس آنے ہی والے ہیں اور زور دیا تھا کہ آئندہ رام نومی کے دوران اس مندر میں پوجا کے بعد ساری دنیا میں مسرت لہر دوڑے گی۔
ایکس پر تحریر کردہ پیام میں کپل سبل نے کہا کہ ”بی جے پی کتنے بار اپنے سیاسی فائدہ کے لیے بھگوان رام کو استعمال کرے گی؟ کیوں بھگوان رام کے اصولوں کو آپ گلے نہیں لگاتے؟ ان کی ہمت، استقامت، وفاداری، جذبہ، محبت، اطاعت اور یکسانیت پر کیوں عمل نہیں کرتے؟ آپ کی حکمرانی میں ان اقدار میں سے ایک پر بھی عملدرآمد نہیں دکھائی دیتا۔
کپل سبل جو یوپی اے 1 اور 2 میں مرکزی وزیر تھے، گزشتہ سال مئی میں کانگریس چھوڑ کر راجیہ سبھا کے لیے سماج وادی پارٹی کی تائید سے آزاد امیدوار منتخب ہوئے تھے۔
