تلنگانہ میں بجلی کی کھپت میں زبردست اضافہ

حیدرآباد: ریاست تلنگانہ میں بجلی کی کھپت میں زبردست اضافہ ہوا ہے۔ حکام نے بتایا کہ دسمبر میں ریاست میں 13 ہزار میگا واٹ سے زیادہ بجلی استعمال کی گئی۔

حکام نے دعویٰ کیا کہ صبح 8 بجے ریکارڈ سطح پر 13,403 میگاواٹ بجلی پیدا ہوئی جو دسمبر میں کبھی نہیں دیکھی گئی۔ حکام نے انکشاف کیا کہ بجلی کی مسلسل فراہمی سے کاشت کے رقبہ میں نمایاں اضافہ ہوا ہے۔

 حکام کا اندازہ ہے کہ موسم گرما میں 15000 میگاواٹ تک بجلی کی طلب ہوگی۔ انہوں نے واضح کیا کہ طلب بڑھنے کی صورت میں بھی بجلی مسلسل فراہم کی جائے گی۔