بیوی ہوٹل میں عاشق کے ساتھ رنگے ہاتھوں پکڑی گئی، شوہر کے آتے ہی چهت سے چھلانگ لگا کر فرار (ویڈیو)

باگپت (اترپردیش): اترپردیش کے ضلع باگپت کے بڑوت قصبے میں اُس وقت سنسنی پھیل گئی جب ایک شوہر نے اپنی بیوی کو ایک ہوٹل میں اس کے مبینہ عاشق کے ساتھ رنگے ہاتھوں پکڑ لیا۔ واقعہ چھپرولی روڈ پر واقع ایک نجی ہوٹل کا ہے، جہاں شوہر نے پولیس کو بھی اطلاع دی اور موقع پر جا پہنچا۔ پولیس کی آمد کی اطلاع ملتے ہی خاتون نے ہوٹل کی عقبی جانب تقریباً 12 فٹ بلند چھت سے چھلانگ لگا دی اور موقع سے فرار ہو گئی، جبکہ اس کے ساتھی کو مقامی لوگوں نے پکڑ کر پولیس کے حوالے کر دیا۔

ویڈیو بھی ہوا وائرل

خاتون کے چھت سے چھلانگ لگانے کا ویڈیو بھی سوشل میڈیا پر تیزی سے وائرل ہو رہا ہے۔ اس واقعے کے بعد شوہر سیدھا پولیس اسٹیشن پہنچا اور اپنی جان کو خطرہ بتاتے ہوئے پولیس سے تحفظ فراہم کرنے کی درخواست کی۔ اس نے الزام لگایا کہ بیوی اس کی جان لے سکتی ہے یا کسی جھوٹے مقدمے میں پھنسا سکتی ہے۔

شادی شدہ جوڑے کے درمیان پہلے سے تنازع

پولیس کو دی گئی شکایت کے مطابق، خاتون کا تعلق باگپت کے تگانا گاؤں سے ہے، اور اس کی شادی 2019 میں کاکور گاؤں کے رہائشی شخص سے ہوئی تھی۔ دونوں کا ایک بیٹا بھی ہے اور وہ ایک ساتھ ہی رہتے ہیں۔ شوہر کا الزام ہے کہ بیوی کے شادی سے قبل کئی مردوں سے تعلقات تھے، جو شادی کے بعد بھی برقرار رہے۔ جب اس نے ان تعلقات کی مخالفت کی تو بیوی نے اسے جان سے مارنے اور جھوٹے مقدمے میں پھنسانے کی دھمکیاں دیں۔

پہلے بھی ہو چکی ہے مارپیٹ کی شکایت

شوہر نے الزام لگایا کہ 21 مئی کو بیوی اور ساس نے دیگر افراد کے ساتھ مل کر اس پر اور اس کے گھر والوں پر حملہ کیا تھا، جس کی شکایت چھپرولی تھانے میں درج کی گئی تھی۔ میاں بیوی کے درمیان تنازع کے سبب ان کی کاؤنسلنگ سپرنٹنڈنٹ آف پولیس کے دفتر میں خواتین سیل کے ذریعے کی جا رہی ہے، جس کی یہ تیسری نشست تھی۔

ہوٹل جانے کا معاملہ کیسے سامنے آیا؟

پیر کے روز کاؤنسلنگ کے لیے شوہر اپنے بھائی کے ساتھ آیا تھا۔ بیوی بھی وہاں پہنچی، لیکن تھوڑی دیر بعد وہ بڑوت دہلی بس اسٹینڈ پر موجود ایک نوجوان کے ساتھ بائیک پر جاتے ہوئے دیکھی گئی، جسے شوہر کے بھائی نے دیکھ لیا۔ انہوں نے فوری طور پر اس کا پیچھا کیا اور خاتون کو اس کے مبینہ عاشق کے ساتھ ایک ہوٹل میں داخل ہوتے دیکھا۔

شوہر اور اس کا بھائی فوراً پولیس کو اطلاع دی، جس کے بعد پولیس ہوٹل پہنچی۔ پولیس کی آمد کی اطلاع ملتے ہی خاتون ہوٹل کے پچھلے حصے سے تقریباً 12 فٹ اونچی چھت سے چھلانگ لگا کر فرار ہو گئی، جبکہ اس کا ساتھی وہیں پکڑا گیا۔ مقامی لوگوں نے اسے قابو میں کرکے پولیس کے حوالے کر دیا۔

شوہر کا کہنا ہے کہ اسے بیوی سے جان کا خطرہ ہے، اور وہ کسی بڑی سازش کے تحت اسے نقصان پہنچا سکتی ہے۔ اس نے پولیس سے مطالبہ کیا ہے کہ اسے مکمل تحفظ فراہم کیا جائے۔

پولیس معاملے کی تفتیش کر رہی ہے اور مبینہ عاشق سے پوچھ گچھ کی جا رہی ہے۔ واقعے نے علاقے میں سنسنی پھیلا دی ہے اور اس کا ویڈیو بھی سوشل میڈیا پر موضوعِ بحث بنا ہوا ہے۔