حیدرآباد: لفٹ ٹوٹنے سے 6 افراد زخمی

حیدرآباد کے پرانے شہر میں آج ایک افسوسناک حادثہ پیش آیا۔ چندولال بارہ دری کے علاقے میں واقع ایک اپارٹمنٹ کی لفٹ اچانک ٹوٹ گئی، جس کے نتیجے میں لفٹ میں سوار پانچ سے چھ افراد زخمی ہو گئے۔

زخمیوں میں سے زیادہ تر کے پاؤں ٹوٹ گئے ہیں۔ حادثہ کے بعد اپارٹمنٹ میں رہنے والوں میں خوف کی لہر دوڑ گئی۔

زخمیوں کو فوراً اسپتال منتقل کیا گیا جہاں ان کا علاج جاری ہے۔

اس حادثہ کا منظر ایک شخص نے ویڈیو میں قید کر لیا، جو بعد میں سوشل میڈیا پر وائرل ہو گیا۔ پولیس فوراً موقع پر پہنچ گئی لیکن ابھی تک یہ معلوم نہیں ہو سکا کہ لفٹ ٹوٹنے کی وجہ کیا تھی۔ مزید تحقیقات کی جا رہی ہیں۔