حیدرآباد:سن سٹی میں پٹاخوں کی دکان میں آگ لگ گئی
شہرحیدرآبادکے راجندرنگر پولیس اسٹیشن، بنڈلہ گوڑہ کارپوریشن کے حدود میں سن سٹی کے قریب پٹاخوں کی دکان میں آگ لگنے کا واقعہ پیش آیا۔
حیدرآباد: شہرحیدرآبادکے راجندرنگر پولیس اسٹیشن، بنڈلہ گوڑہ کارپوریشن کے حدود میں سن سٹی کے قریب پٹاخوں کی دکان میں آگ لگنے کا واقعہ پیش آیا۔
ذرائع کے مطابق یہ آگ قریب میں واقع فوڈکورٹ تک تیزی سے پھیل گئی جس کے بعد فوڈ کورٹ میں رکھا سلنڈرپھٹ پڑااوردھماکہ کی آواز سنائی دی جس سے مقامی افرادخوفزدہ ہوگئے۔
انہیں سمجھ میں نہیں آرہا تھا کہ کیاہوا۔آگ کے شدید شعلوں کو دیکھ کر مقامی افراد نے فوری طورپر فائربریگیڈ کے اہلکاروں کو اس بات کی اطلاع دی جس کے بعد فائربریگیڈ کے عملہ نے وہاں پہنچ کر کافی جدوجہد کے بعد آگ پر قابو پانے میں کامیابی حاصل کرلی۔
اس واقعہ میں مزید تین دکانات بھی آگ کی لپیٹ میں آگئیں۔سمجھاجاتا ہے کہ شارٹ سرکٹ آگ لگنے کی وجہ ہے۔
اس واقعہ کے وقت پٹاخوں کی دکان میں کوئی بھی نہیں تھا جس کی وجہ سے کوئی جانی نقصان نہیں ہوا اور نہ ہی کسی کے جھلسنے کی کوئی اطلاع ملی ہے البتہ اس واقعہ میں بڑے پیمانہ پرمالی نقصان ضرورہوا ہے۔
