حیدرآباد: سکریٹریٹ کے پیچھے ایک لگژری کار میں آگ لگ گئی، ویڈیو وائرل

حیدرآباد: شہر حیدرآباد میں آج سکریٹریٹ کی عمارت کے پیچھے ایک لگژری کار میں آگ لگ گئی۔

اطلاعات کے مطابق اس واقعے میں کوئی زخمی نہیں ہوا۔ لگژری کار بی ایم ڈبلیو بتائی جاتی ہے جو سکریٹریٹ کمپاؤنڈ کے قریب آگ کی لپیٹ میں آگئی۔

سکریٹریٹ کے عقب میں پارک کی گئی کار میں اچانک ہی آگ بھڑک اٹھی اور جلتی ہوئی کار کی ویڈیو اب سوشل میڈیا پر گردش کر رہی ہے۔

آگ لگنے کی وجہ کا ابھی تک پتہ نہیں چل سکا ہے۔ مزید تفصیلات کا انتظار ہے۔