حیدرآباد:حالت نشہ میں ایک شخص نے خاتون سے دست درازی کرتے ہوئے سڑک پر کپڑے پھاڑڈالے

حیدرآباد: شراب کے نشہ میں ایک شخص نے نوجوان خاتون کے ساتھ دست درازی کرتے ہوئے سرعام سڑک پر اس کے کپڑے پھاڑتے ہوئے انسانیت سوز حرکت کی۔

اس واقعہ کا اہم پہلو یہ ہے کہ قریب میں موجود افراد نے اس کو اس گھناونی حرکت سے روکنے کے بجائے اپنے سل فونس میں فوٹوز اور ویڈیوز بنانے کو ترجیح دی۔

یہ واردات شہرحیدرآباد کے جواہر نگر پولیس اسٹیشن کے حدود کے بالاجی نگر میں پیش آیا۔ اس شخص کی شناخت 30سالہ مزدور پیشہ پداماریا کے طورپر کی گئی ہے۔

وہ اتوار کی رات 8.30 بجے اپنی ماں کے ساتھ بالاجی نگر بس اسٹینڈ سے گھر جا رہا تھا۔اس وقت ایک مقامی نوجوان خاتون دکان سے پیدل جا رہی تھی۔

اسے دیکھ کر ماریا نے اس کو روکتے ہوئے اس سے دست درازی کی کوشش کی۔مزاحمت کرتے ہوئے خاتون نے اس کو دھکیل دیاجس کے بعد اس شخص نے خاتون پر حملہ کیااوراس کے کپڑے پھاڑڈالے۔

ماریا کی ماں جو وہاں موجود تھی نے اس خاتون کو بچانے کی کوئی بھی کوشش نہیں کی۔جب وہاں سے موٹر سائیکل سے گذرنے والی ایک خاتون نے اس سے پوچھاکہ وہ یہ حرکت کیوں کررہا ہے تو ماریا نے اس پر حملہ کرنے کی کوشش کی۔

وہ نوجوان خاتون تقریباً 15 منٹ تک وہیں رہی۔متاثرہ خاتون وہیں سڑک پر بیٹھی رو رہی تھی۔ماریا کے جانے کے بعد بعض افراد وہاں آئے اور خاتون کو چادرسے ڈھانپتے ہوئے اس بات کی اطلاع پولیس کو دی۔