حیدرآباد: جوبلی ہلز میں گمشدہ لڑکے کی نعش ایک سمپ میں دستیاب

حیدرآباد: ایک پانچ سالہ لڑکا جو منگل کو درگا بھوانی نگر، جوبلی ہلز میں اپنے گھر کے سامنے کھیلتے ہوئے لاپتہ ہو گیا تھا، قریبی سمپ میں مردہ دستیاب ہوا۔

یہ لڑکا منگل کی شام اپنے گھر سے کھیلنے کے لئے نکلا اور لاپتہ ہوگیا۔ اس کے والدین کو بچے کے لاپتہ ہونے کا احساس ہوا تو انہوں نے پہلے اسے گھنٹوں تک تلاش کیا اور بعد میں پولیس سے رجوع کیا جس نے مقدمہ درج کر کے اس کا سراغ لگانے کی کوششیں شروع کر دیں۔

چہارشنبہ کی صبح اس بچے کی لاش گھر سے چند میٹر کے فاصلے پر واقع مقامی پارک کے ایک سمپ سے دستیاب ہوئی۔

پولیس نے نعش کو عثمانیہ دواخانہ کے مردہ خانہ منتقل کر دیا۔ ایک مقدمہ درج کرکے تحقیقات کا آغاز کردیا گیا۔ پولیس یہ جاننے کے لئے چھان بین کر رہی ہے کہ لڑکا واٹر سمپ تک کیسے پہنچا۔