حیدرآباد: بونال تہوار میں وزیر اعلیٰ ریونت ریڈی کی شرکت

حیدرآباد: سکندرآباد کے اُجین مہانکالی مندر میں منعقدہ روایتی بونال تہوار میں وزیر اعلیٰ ریونت ریڈی نے شرکت کی۔

انہوں نے اُجین مہانکالی دیوی کو ریشمی ملبوسات پیش کرتے ہوئے خصوصی پوجا میں حصہ لیا۔ اس موقع پر وزیراعلی کے ساتھ ریاستی وزیر کوںڈا سریکھا بھی موجود تھیں ۔

حکومت کی جانب سے سب سے پہلے وزیر پونم پربھاکر نے پوجا کی ۔

صبح 11 بجے وزیر اعلیٰ مندر پہنچے اور خصوصی پوجا کی۔ بونال کے اس تہوار کے لیے نہ صرف تلنگانہ بلکہ دیگر ریاستوں سے بھی لاکھوں عقیدت مندآتے ہیں۔

حکومت نے تہوار کے پیش نظر وسیع تر انتظامات کیے ہیں تاکہ شردھالووں کو کسی قسم کی دشواری نہ ہو۔