حیدرا کمشنر کی اے پی کے نائب وزیراعلیٰ سے ملاقات۔پون کلیان نے ایجنسی کی ستائش کی

حیدرآباد: حیدرآبادڈیزاسٹررسپانس اینڈ ایسیٹ پروٹکشن ایجنسی(حیدرا) کے کمشنر اے وی رنگاناتھ نے وجئے واڑہ میں اے پی کے نائب وزیراعلی پون کلیان سے ملاقات کی۔وہ وجئے واڑہ میں ایک شادی کی تقریب میں شرکت کیلئے پہنچے تھے۔

کل شب منگل گری میں کیمپ دفتر میں یہ ملاقات ہوئی۔

اس موقع پر پون کلیان نے کہا کہ حیدراجیسا جدید نظام نہ صرف آندھرا پردیش بلکہ تمام ریاستوں کے لئے ضروری ہے۔

انہوں نے کہا کہ قیادت کی بصیرت اور ذمہ دار عہدیداروں کی محنت کسی بھی نظام کو کامیابی دلا سکتی ہے۔

انہوں نے بتایا کہ ملک میں سب سے پہلے تلنگانہ حکومت نے حیدراکی شکل میں نیا نظام متعارف کرایا۔ نئے نظام کو کامیاب بنانے کے لئے صحیح عہدیداروں کاتقر، اختیارات کی فراہمی اور مکمل آزادی کے ساتھ کام کرنے کے مواقع دینا ضروری ہے۔