حیدرآباد: صحت کے مسائل، پینٹر کی خودکشی

حیدرآباد: حیدرآباد کے میاں پور میں صحت کے مسائل کے باعث ایک 34 سالہ پینٹر نے خودکشی کر لی۔پولیس کے مطابق، اس کی شناخت پردیپ راؤ کے طور پر ہوئی ہے

جو میدک کا رہنے والا تھا اور میاں پورکے پی اے نگر میں اپنی بیوی، بیٹی اور بیٹے کے ساتھ رہتا تھا۔ وہ پینٹنگ کا کام کر کے زندگی گزار رہا تھا۔ دو ماہ پہلے کام کے دوران ایک عمارت سے گر کر اسے شدید زخم آئے تھے۔

علاج کے بعد وہ گھر پر ہی محدود تھا۔پولیس سب انسپکٹر جے مونیکا نے بتایا کہ جب اس کی بیوی کام پر گئی تھی اور بچے اسکول میں تھے، اس دوران پردیپ نے سیلنگ فین سے پھانسی لے کر خودکشی کرلی۔

اس کی بیوی نے پولیس کو بتایا کہ حادثہ کے بعد اس کی طبیعت خراب رہتی تھی اور وہ ڈپریشن کا شکار ہو گیا تھا، اس لئے اس کو شبہ ہے کہ اسی وجہ سے اس نے خودکشی کی ہوگی۔ پولیس نے مقدمہ درج کر لیا ہے۔