حیدرآباد میراتھن کا آغاز
اصل دوڑ کل ہوگی جس میں 42 کلومیٹر طویل رن پیپلز پلازا سے جی ایم سی بالایوگی اسٹیڈیم گچی باولی تک منعقد ہوگا۔ اس کے علاوہ ہاف میراتھن اور ٹن کے رن بھی شامل ہیں۔
حیدرآباد: حیدرآباد رنرز سوسائٹی (ایچ آر ایس) کے زیر اہتمام این ایم ڈی سی حیدرآباد میراتھن کے 14ویں ایڈیشن کا آج آغاز ہوا جس میں 27 ہزار سے زائد رنرز نے حصہ لیا۔ یہ ایونٹ 2011 سے ملک کے دوسرے سب سے بڑے میراتھن کی حیثیت برقرار رکھے ہوئے ہے۔
یہ فلیگ شپ ایونٹ دوڑ، صحت مند طرزِ زندگی اور سماجی ہم آہنگی کو فروغ دینے کے ساتھ ساتھ زیرو لٹر (کچرے سے پاک)مہم کا علمبردار ہے جس کے ذریعہ جدید ویسٹ مینجمنٹ اور پلاسٹک ری سائیکلنگ اقدامات کے تحت سو فیصد پائیداری کو یقینی بنایا جا رہا ہے۔
تین روزہ میراتھن کا آغاز فائیو کے فن رن سے ہوا جس میں پانچ ہزار سے زائد افراد نے حیدرآباد کے ہائی ٹیکس کنونشن سنٹر کے قریب شرکت کی۔
اصل دوڑ کل ہوگی جس میں 42 کلومیٹر طویل رن پیپلز پلازا سے جی ایم سی بالایوگی اسٹیڈیم گچی باولی تک منعقد ہوگا۔ اس کے علاوہ ہاف میراتھن اور ٹن کے رن بھی شامل ہیں۔
اس دوران پولیس نے شہر کے مختلف مقامات پر ٹریفک پابندیاں نافذ کی ہیں۔
