حیدرآباد: نالے پرقائم دکانات کو بلدیہ نے ہٹادیا

حیدرآباد: حیدرآباد میں امیر پیٹ کے ستیہ مال سے مائتری ونم تک نالے پر قائم چھوٹے دکانداروں کی دکانیں بلدیہ کے ٹاؤن پلاننگ کے عملہ نے ہٹا دی جس سے مقامی سطح پر کشیدگی پیدا ہو گئی۔

ٹاؤن پلاننگ حکام کے مطابق مقامی شہریوں کی شکایات پر، عملہ نے پولیس کی نگرانی میں دکانداروں کی دکانیں ہٹا کر وہاں سے منتقل کیا ۔ اس دوران خواتین چھوٹے دکانداروں نے اس کارروائی کی مخالفت کی اور راستے میں رکاوٹیں حائل کیں اورمزاحمت کی۔

امیر پیٹ کے کارپوریٹر نے چھوٹے دکانداروں کی تائید میں احتجاج کیا۔

انہوں نے سوال اٹھایا کہ پورے شہر میں سڑکوں اور فٹ پاتھس ناجائز قبضہ میں ہیں، لیکن خواتین کے چھوٹے کاروبار کو کیوں ہٹایا جا رہا ہے۔ بعض حلقوں کے دباؤ میں آ کر حکام چھوٹے دکانداروں کے ساتھ سخت رویہ اختیار کر رہے ہیں۔