حیدرآباد:نائجیریائی باشندہ گرفتار۔ایک کروڑروپئے مالیت کی منشیات ضبط

حیدرآباد: شہرحیدرآباد کے پنجہ گٹہ علاقہ میں منشیات فروخت کرنے والے ایک نائجیریائی باشندہ کو گرفتارکرلیاگیااور اس کے پاس سے منشیات ضبط کی گئی۔

ڈی سی پی وجئے کمارنے میڈیا کے سامنے اس ملزم کو پیش کیا۔انہوں نے میڈیا کو بتایا کہ یہ نائیجریائی باشندہ اسٹوڈنٹ ویزا پر ہندوستان آیا تھا۔

وہ گوا میں بھی منشیات سپلائی کررہا تھا۔اس کو حیدرآباد کے علاقہ ارم منزل کے قریب گرفتار کیاگیا۔

پولیس نے بتایا کہ ملک کے کئی علاقوں میں اس نے منشیات فروخت کی۔پولیس نے ایک کروڑروپئے کی منشیات کے ساتھ ساتھ 9سل فونس بھی اس کے پاس سے ضبط کرلئے۔