حیدرآباد: تیز رفتار بائیک کی ٹکر سے سافٹ ویئر انجینئر ہلاک
پولیس کے مطابق مہلوک کی شناخت شری کانت کے طور پر کی گیی ہے، جو آندھرا پردیش کے ضلع مغربی گوداوری کا رہنے والا تھا۔ وہ کوکٹ پلی میں مقیم تھا اور ہائی ٹیک سٹی میں سافٹ ویئر انجینئر کی حیثیت سے کام کر رہا تھا۔
حیدرآباد: تیز رفتار بائیک کی زد میں آکر ایک سافٹ ویئر انجینئر ہلاک ہوگیا۔یہ واقعہ حیدرآباد کے پی ایچ بی پولیس اسٹیشن کے حدود میں پیش آیا۔
پولیس کے مطابق مہلوک کی شناخت شری کانت کے طور پر کی گیی ہے، جو آندھرا پردیش کے ضلع مغربی گوداوری کا رہنے والا تھا۔ وہ کوکٹ پلی میں مقیم تھا اور ہائی ٹیک سٹی میں سافٹ ویئر انجینئر کی حیثیت سے کام کر رہا تھا۔
تفصیلات کے مطابق، ہفتہ اور اتوار کی درمیانی رات شری کانت ایک آٹو میں سفر کرتے ہوئے جے این ٹی یو چوراہے پر اُترا۔ وہاں سے کے پی ایچ بی پولیس اسٹیشن کی سمت سڑک عبور کر رہا تھا کہ اسی دوران میاں پور کی طرف سے تیزی سے آنے والی ایک بائیک نے اُسے ٹکر دے دی۔
اس حادثہ میں وہ شدید زخمی ہو گیا۔ فوری طور پر اُسے قریبی اسپتال منتقل کیا گیا، ڈاکٹروں نے اُسے مردہ قرار دیا۔ پولیس نے مقدمہ درج کر کے تحقیقات کا آغاز کر دیا ہے۔
