حیدرآباد: فٹ پاتھ پر سونے والے دو افراد کے قتل کی واردات

حیدرآباد: شہرحیدرآباد کے میلاردیوپلی علاقہ میں فٹ پاتھ پر سونے والے دو افراد کے قتل کی واردات بدھ کی صبح کی اولین ساعتوں میں پیش آئی۔

یہ افراد میلاردیوپلی کے دُرگانگر میں فٹ پاتھ پرسورہے تھے کہ بعض نامعلوم افراد نے ان پر بڑا پتھر ڈال دیا جس کے نتیجہ میں ان دونوں کی موقع پر ہی موت ہوگئی۔

مقامی افراد نے ان کی لاشوں کوخون میں لت پت دیکھا اور پولیس کو اس بات کی اطلاع دی جس کے بعد پولیس وہاں پہنچی جس نے لاشوں کو پوسٹ مارٹم کے لئے مردہ خانہ میں محفوظ کردیا۔

پولیس نے اس سلسلہ میں ایک معاملہ درج کرکے جانچ شروع کردی۔

تین دن قبل بھی اسی طرح کی واردات میلاردیوپلی میں پیش آئی تھی۔

پولیس،سی سی ٹی وی فوٹیجس کا معائنہ کررہی ہے تاکہ قاتلوں کو پتہ چلایاجاسکے۔