حیدرآباد:وین درخت سے ٹکراگئی۔ڈرائیورزخمی

حیدرآباد: شہرحیدرآباد کے جوبلی ہلز چیک پوسٹ کے قریب وین نے درخت کو ٹکر دے دی۔

ذرائع کے مطابق آج صبح کی اولین ساعتوں میں اس وین کے ڈرائیورنے توازن کھودیا جس کے نتیجہ میں وین درخت سے ٹکراگئی جس کے نتیجہ میں ڈرائیور زخمی ہوگیا۔

تیز رفتاری حادثہ کی وجہ سمجھی جارہی ہے۔

حادثہ اتنا شدید تھا کہ گاڑی درخت میں بُری طرح پھنس گئی۔یہ دودھ کی وین تھی جو فلم نگر کی سمت جارہی تھی۔

بڑے پیمانہ پر آواز کے ساتھ یہ وین درخت سے ٹکراگئی جس کے سبب مقامی افراد اور دیگر گاڑی سوارخوفزدہ ہوگئے۔

اطلاع ملتے ہی پولیس وہاں پہنچی جس نے راحت کام شروع کردیئے۔

پولیس نے کہاکہ تیز رفتاری حادثہ کا سبب تھی۔