حیدرآباد:حالت نشہ میں بائیک چلاتے ہوئے دوسری بائیک کوٹکر،بعض افرادزخمی

حیدرآباد: حالت نشہ میں دو نوجوانوں نے تیزرفتاری سے گاڑی چلاتے ہوئے دوسری بائیک کوٹکر دے دی جس کے نتیجہ میں بائیک پر سوارخاندان کے ارکان زخمی ہوگئے۔

ان میں ایک تین سالہ لڑکے کی حالت تشویشناک بتائی جاتی ہے۔تفصیلات کے مطابق یہ خاندان بائیک پرحیدرآباد کے رکھشاپورم سے آرہاتھا کہ ڈی آرڈی ایل کے قریب بائیک پر حالت نشہ میں سواردو نوجوانوں نے ان کی بائیک کو تیزرفتاری کے ساتھ ٹکر دے دی۔

اس حادثہ میں دوسری بائیک پر سوارخاندان کے بعض ارکان زخمی ہوگئے۔اس بات کی شکایت پرپولیس نے حادثہ کا سبب بننے والی گاڑی کے سواروں کو حراست میں لے کر کنچن باغ پولیس اسٹیشن منتقل کردیا۔پولیس نے اس سلسلہ میں ایک معاملہ درج کرلیا۔