وشاکھاپٹنم میں کانگریس کا جلسہ، ریونت ریڈی کی شرکت

حیدرآباد: تلنگانہ میں حال ہی میں ہوئے اسمبلی انتخابات میں کانگریس کی شاندار کامیابی کے بعد کانگریس پارٹی پڑوسی ریاست آندھراپردیش میں اپنے کھوئے ہوئے مقام کو حاصل کرنے کیلئے کوشاں ہے۔

اسی کے حصہ کے طورپر متحدہ آندھراپردیش کے سابق چیف منسٹر راج شیکھرریڈی کی دختر وائی ایس شرمیلا کو آندھراپردیش کانگریس کا سربراہ بنایاگیا ہے۔

2014میں متحدہ آندھراپردیش کی تقسیم کے ذریعہ تلنگانہ کی تشکیل کے بعد سے دونوں ریاستوں میں کانگریس کو شدید نقصان اٹھانا پڑاتھاتاہم تقریبا دس سال کی جدوجہد کے بعد تلنگانہ میں کانگریس دوبارہ اقتدار پرواپس ہوئی۔

تلنگانہ کے چیف منسٹر ریونت ریڈی آندھراپردیش کے وشاکھاپٹنم میں 15مارچ کو ہونے والے جلسہ میں شرکت کریں گے۔