ملاوٹی غذائی پراڈکٹس کی غیر قانونی فروخت، ایک شخص گرفتار

حیدرآباد: مدت کی تکمیل والے اور ملاوٹی غذائی پراڈکٹس کی غیرقانونی فروخت کا پتہ چلاتے ہوئے شہرحیدرآباد کی شمس آباد ایس اوٹی نے بالاجی انڈسٹریز پر چھاپہ مارا اورایک شخص کو گرفتار کرلیا۔

گرفتارشخص کی شناخت شیورام پلی راجندرنگرکے رہنے والے 32سالہ راجیش اُپادھیائے کے طورپر کی گئی ہے۔پولیس نے 230بوتل ریڈ چلی ساوس، 128بوتل گرین چلی ساوس،31بوتل سویا ساوس، 23بوتل ونیگر،30لیٹر ٹماٹر پیسٹ،4لیٹر ملک کلر،2کلو گم،2کلو سوڈیم بیزوٹ،4کلو آٹااوردیگر سامان کو ضبط کرلیا۔

ملزم نقصان دہ کیمیکلس اور مصنوعی رنگوں سے ساوس بنا رہا تھا۔ پولیس نے مجموعی طور پر 3.50 لاکھ روپے مالیت کی ملاوٹ شدہ ساوس ضبط کرلیا اور اس سلسلہ میں مقدمہ درج کر کے جانچ شروع کردی۔