حیدرآباد کے ٹینک بنڈ پر درگا کی مورتیوں کا وسرجن
جہاں ان کا وسرجن کیاگیا۔ وسرجن کے دوران پورا علاقہ بھجن، ڈھول تاشوں اور روایتی موسیقی سے گونج اٹھا۔ پولیس اور منتظمین نے کرینوں اور دیگر سہولیات کے ذریعہ وسرجن کو محفوظ اور منظم انداز میں مکمل کیا۔
حیدرآباد: حیدرآباد کے ٹینک بنڈ پر درگا کی مورتیوں کا وسرجن کیاگیا۔ صبح سے ہی ہزاروں کی تعداد میں شردھالو اپنے اپنے گھروں اور پنڈالوں سے بٹھائی گئی مورتیوں کو ٹرکوں، جیپوں اور کھلی گاڑیوں کے ذریعہ حسین ساگر جھیل کے کنارے لے گئے
جہاں ان کا وسرجن کیاگیا۔ وسرجن کے دوران پورا علاقہ بھجن، ڈھول تاشوں اور روایتی موسیقی سے گونج اٹھا۔ پولیس اور منتظمین نے کرینوں اور دیگر سہولیات کے ذریعہ وسرجن کو محفوظ اور منظم انداز میں مکمل کیا۔
اس موقع پر سکیورٹی کے سخت انتظامات کئے گئے تھے اور پولیس ملازمین کو تعینات کیا گیا تاکہ ٹریفک اور ہجوم پر قابو پایا جا سکے۔ شہری انتظامیہ کی جانب سے خصوصی طور پر صفائی مہم بھی چلائی گئی تاکہ وسرجن کے بعد جھیل اور اردگرد کا ماحول صاف ستھرا رکھا جا سکے۔
کئی سماجی تنظیموں نے ماحول دوست وسرجن کو فروغ دینے کے لیے آگاہی مہم بھی چلائی۔وسرجن کے لئے جانے کے راستوں پر کئی مقامات پر بڑے پیمانہ پرٹریفک جام کی صورتحال پیداہوگئی۔
