جیسلمیر میں برڈ فلو سے مزید دو پرندوں کی موت
انہوں نے محکمہ جنگلات کے افسران اور ملازمین کو ہدایت دی کہ وہ مہاجر پرندوں کرجان اور آبی ذخائر کے کنارے مردہ پائے جانے والے مختلف انواع کے پرندوں سے فاصلہ برقرار رکھیں اور مردہ پرندوں کو قواعد کے مطابق ٹھکانے لگایا جائے۔
جیسلمیر: راجستھان کے جیسلمیر میں دیگرائے اوران کے نزدیک لونیری تالاب کے آس پاس ڈیموسلائن کرین میں برڈ فلو پھیلنے کی وجہ سے مرنے والے پرندوں کی تعداد بڑھ کر 9 ہو گئی ہے۔
پرندوں میں پھیلنے والے برڈ فلو کی بیماری کے پیش نظر فتح گڑھ کے ڈیولپمنٹ آفیسر کیلاش کمار نے منگل کے روز محکمہ حیوانات اور محکمہ جنگلات کی ٹیموں کے ساتھ برڈ فلو سے متعلق واٹر پوائنٹس کا مشترکہ معائنہ کیا اور احتیاطی تدابیر اختیار کرنے کی ہدایت دی۔
انہوں نے محکمہ جنگلات کے افسران اور ملازمین کو ہدایت دی کہ وہ مہاجر پرندوں کرجان اور آبی ذخائر کے کنارے مردہ پائے جانے والے مختلف انواع کے پرندوں سے فاصلہ برقرار رکھیں اور مردہ پرندوں کو قواعد کے مطابق ٹھکانے لگایا جائے۔
آبی ذخائر کے کنارے مہاجر پرندے کرجان سمیت مختلف انواع کے پرندے مردہ پائے جانے کے بعد برڈ فلو کے پھیلاؤ کے خدشے کے پیش نظر، گرام پنچایتوں کے ساتھ معلومات کے تبادلے کے لیے پنچایت سمیتی سطح پر کنٹرول روم قائم کیا گیا ہے۔
ملازمین کو کنٹرول روم میں موجود رہنے کا حکم دیا گیا ہے۔
