گریٹر حیدرآباد میں گاڑیوں کے فینسی نمبرات کی طلب میں اضافہ

حیدرآباد: گریٹر حیدرآباد میں گاڑیوں کے فینسی نمبرات کی طلب میں اضافہ ہورہا ہے۔ حیدرآباد، رنگاریڈی اورمیڑچل علاقوں میں ان کی کافی زیادہ مانگ ہے۔

رنگا ریڈی اور حیدرآباد کو 38.48 کروڑ روپے حاصل ہوئے ہیں۔ خاص طور پر 9999، 0001، 0007، 0009 نمبرات کی زیادہ مانگ ہے۔

حال ہی میں حیدرآباد کے خیریت آباد علاقہ میں 0009 نمبر کو آن لائن ہراج میں 10.5 لاکھ روپے میں خریدا گیا تھا، جبکہ ملک پیٹ آر ٹی اے علاقہ میں 9999 نمبر کو 21.6 لاکھ روپے میں حاصل کیاگیا تھا۔

فینسی نمبرپلیٹس سے 2020میں حیدرآباد میں 10.22لاکھ، رنگاریڈی میں 10.02لاکھ، سال 2021میں حیدرآباد میں 16.38لاکھ، رنگاریڈی میں 16.38لاکھ روپئے، سال 2022میں حیدرآباد میں 22.56لاکھ روپئے، رنگاریڈی میں 28.06لاکھ روپئے کی آمدنی ہوئی جبکہ جاریہ سال اب تک حیدرآباد میں 17.25لاکھ اور رنگاریڈی میں اب تک 21.23لاکھ روپئے کی آمدنی ہوئی ہے۔