قرآن مجید کی بے حرمتی کرنے والے سویڈن کے 2 ملعونوں پر فرد جرم عائد
سینئر پراسیکیوٹر آینا ہینکو نے بتایا کہ دونوں ملزمان پر چار مواقعوں پر ایسے بیانات دینے اور کلام پاک کے ساتھ ایسا سلوک کرنے پر مقدمہ چلایا گیا ہے جس کا مقصد مسلمانوں کے عقیدے کی وجہ سے ان کی توہین کرنا تھا۔
![قرآن مجید کی بے حرمتی کرنے والے سویڈن کے 2 ملعونوں پر فرد جرم عائد](https://urdu.munsifdaily.com/wp-content/uploads/2024/08/SALWAN-MUMIKA.gif)
اسٹاکہوم: سویڈن میں قرآن مجید کی بے حرمتی کرنے اور نذر آتش کرنے کے جرم میں دو ملعونوں پر فرد جرم عائد کردی گئی۔ بین الاقوامی خبر رساں ادارے کی رپورٹ کے مطابق سویڈش پراسیکیوٹرز نے اس حوالے سے بتایا کہ ملعون سلوان مومیکا اور ملعون سلوان نجم نے 4 مرتبہ کسی نسلی یا قومی گروہ کے خلاف اشتعال انگزیزی کی۔
دونوں ملزمان پر عائد کی گئی فرد جرم میں کہا گیا ہے کہ دونوں ملعونوں نے قرآن کی بے حرمتی کی، اسے نذر آتش کیا اور مسلمانوں کے خلاف توہین آمیز تبصرے کیے۔
سینئر پراسیکیوٹر آینا ہینکو نے بتایا کہ دونوں ملزمان پر چار مواقعوں پر ایسے بیانات دینے اور کلام پاک کے ساتھ ایسا سلوک کرنے پر مقدمہ چلایا گیا ہے جس کا مقصد مسلمانوں کے عقیدے کی وجہ سے ان کی توہین کرنا تھا۔
آینا ہینکو کا مزید کہنا تھا کہ ان کی رائے میں دونوں ملزمان کے بیانات اور ان کا عمل نسلی یا قومی گروہ کے خلاف اشتعال کی دفعات کے تحت آتے ہیں اور ضروری ہے کہ اس حوالے سے عدالت میں مقدمہ چلایا جائے۔