ہند۔پاک میچ۔اروشی روٹیلا 24 قیراط گولڈ والے آئی فون سے محروم
آئی سی سی ورلڈ کپ میں پاکستان اور ہندوستان کے درمیان میچ کے دوران بالی ووڈ اداکارہ و ماڈل اروشی روٹیلا اپنے مہنگے ترین فون سے محروم ہوگئیں۔
احمدآباد: آئی سی سی ورلڈ کپ میں پاکستان اور ہندوستان کے درمیان میچ کے دوران بالی ووڈ اداکارہ و ماڈل اروشی روٹیلا اپنے مہنگے ترین فون سے محروم ہوگئیں۔
اداکارہ گزشتہ روز پاکستان اور ہندوستان کے درمیان احمدآباد اسٹیڈیم میں مقابلہ دیکھنے پہنچیں تھی جہاں ان کا فون گم ہوگیا۔
اروشی نے سوشل میڈیا پر مداحوں سے درخواست کی کہ میرا 24 قیراط گولڈ والا آئی فون کھوگیا! اگر کسی کو یہ فون نظر آجائے تو برائے مہربانی میری مدد کرتے ہوئے مجھ سے جلد از جلد رابطہ کرے۔
دوسری جانب اروشی روتیلا کو کچھ صارفین کی جانب سے تنقید کا نشانہ بنایا جارہا ہے جبکہ کچھ نے اداکارہ سے اظہار ہمدردی بھی کیاہے۔
واضح رہے کہ ماضی میں اداکارہ نے پاکستانی ٹیم کے فاسٹ بولر نسیم شاہ کی بیٹنگ اور پریکٹس کرتے ہوئے کئی انسٹا اسٹوریز شیئر کی تھیں جس کو سوشل میڈیا پر خوب پذیرائی ملی تھی۔
اس کے علاوہ آروشی روتیلا کا نام اکثر ہندوستانی کرکٹ ریشبھ پنت کے ساتھ بھی جوڑا گیا۔
