اسٹاک مارکیٹ میں ابتدائی گراوٹ، سینسیکس 800 پوائنٹس سے زیادہ ٹوٹ گیا
ایران جنگ میں دونوں طرف سے حملوں میں شدت کی وجہ سے مارکیٹ میں سرمایہ کاری کا جذبہ کمزور رہا۔ آٹو، بینکنگ اور فنانس کے شعبوں میں زیادہ فروخت رہی۔ ایف ایم سی جی، ہیلتھ کیئر، کنزیومر ڈور ایبل، آئل اینڈ گیس اور کیمیکل گروپس بھی گر گئے۔ تاہم دھات، آئی ٹی اور رئیلٹی گروپس میں فی الحال خریداری غالب ہے۔
ممبئی: مقامی اسٹاک مارکیٹوں میں منگل کو ابتدائی کاروبارمیں گراوٹ رہی اور بی ایس ای کا سینسیکس 800 پوائنٹس سے زیادہ گر گیا۔
بیرون ممالک سے ملے منفی بیرونی اشارے کے درمیان، سینسیکس 372.49 پوائنٹس گر کر 73,734.36 پر کھلا اور جلد ہی تقریباً 824 پوائنٹس گر کر 73,282 پر آگیا۔ خبر لکھے جانے کے وقت یہ پچھلے کاروباری دن سے 407.49 پوائنٹس (0.55 فیصد) گر کر 73,699.36 پر تھا۔
ایران جنگ میں دونوں طرف سے حملوں میں شدت کی وجہ سے مارکیٹ میں سرمایہ کاری کا جذبہ کمزور رہا۔ آٹو، بینکنگ اور فنانس کے شعبوں میں زیادہ فروخت رہی۔ ایف ایم سی جی، ہیلتھ کیئر، کنزیومر ڈور ایبل، آئل اینڈ گیس اور کیمیکل گروپس بھی گر گئے۔ تاہم دھات، آئی ٹی اور رئیلٹی گروپس میں فی الحال خریداری غالب ہے۔
نیشنل اسٹاک ایکسچینج کا نفٹی 50 انڈیکس بھی 129.55 پوائنٹس کی کمی کے ساتھ 22,838.70 پر کھلا اور تادم تحریر 138.25 پوائنٹس گر کر 22,830 پر تھا۔
سینسیکس کی کمپنیوں میں انڈیگو کا حصہ دو فیصد سے زیادہ نیچے ہے۔ ایٹرنل، مہندرا اینڈ مہندرا، الٹرا ٹیک سیمنٹ، ایکسس بینک، ٹائٹن، ایشین پینٹس، ایل اینڈ ٹی اور آئی سی آئی سی آئی بینک کے حصص بھی نیچے چل رہے ہیں۔
دوسری جانب ایچ سی ایل ٹیکنالوجیز، بجاج فائنانس، ٹیک مہندرا اور سن فارما میں تیزی رہی۔
