غزہ میں آئی ایس کے سب سے سینئر رکن کو مارگرایا: اسرائیلی فوج

یروشلم: اسرائیل ڈیفنس فورسز (آئی ڈی ایف) نے جمعہ کو ایک بیان میں کہا کہ اس نے گزشتہ ہفتے غزہ کی پٹی میں اسلامک اسٹیٹ (آئی ایس) گروپ کے ایک سینئر رکن کو ہلاک کر دیا۔

آئی ڈی ایف نے اس شخص کی شناخت محمد عبدالعزیز ابو زبیدہ کے نام سے کی ہے، جو غزہ کی پٹی میں آئی ایس کے فلسطینی ضلع کے سربراہ کے طور پر کام کرتا تھا، جو کہ اس علاقے میں گروپ کے اندر سب سے سینئر عہدہ تھا۔

آئی ڈی ایف کے بیان کے مطابق ابو زبیدہ کو انٹیلی جنس گائیڈڈ فضائی حملے میں نشانہ بنایا گیا تھا۔ مبینہ طور پر وہ مغربی کنارے، غزہ اور مصر کے جزیرہ نما سینائی میں پالیسی ترتیب دینے، آپریشنز کی منصوبہ بندی کرنے اور آئی ایس کی سرگرمیوں کی نگرانی کا ذمہ دار تھا۔

آئی ڈی ایف نے کہا کہ آئی ایس کے جنگجو غزہ میں اسرائیلی فورسز کے خلاف لڑائی میں براہ راست ملوث تھے اور اس گروپ پر جنگی سازوسامان کی منتقلی کے ساتھ ساتھ مغربی کنارے سے غزہ کی پٹی میں اہم فنڈزجمع کرنے کا الزام تھا۔ بیان میں کہا گیا ہے کہ "آئی ڈی ایف غزہ کی پٹی میں دہشت گرد تنظیموں کے خلاف کارروائی جاری رکھے گا۔”