اسرائیلی یرغمالی نے حماس کی نئی ویڈیو میں قیدیوں کے تبادلے کا کیا مطالبہ

غزہ: حماس کے مسلح ونگ القسام بریگیڈز نے بدھ کو ایک ویڈیو جاری کیا جس میں ایک اسرائیلی یرغمالی کو قیدیوں کے فوری تبادلے کا مطالبہ کرتے ہوئے دکھایا گیا ہے۔ اسے دونوں فریقوں کے درمیان دشمنی کے درمیان مذاکرات کو آگے بڑھانے کی ایک نئی کوشش قرار دیا جا رہا ہے۔

ویڈیو فوٹیج میں یرغمالی نے اپنی شناخت عمری میران کے طور پر بتائی ہے۔ اس نے مزید بتایا کہ اسے غزہ پٹی میں ڈیڑھ سال سے قید رکھا گیا تھا۔

میران کو 7 اکتوبر 2023 کو جنوبی اسرائیل میں حماس کے سرحد پار حملے کے دوران کیبوتس ناحل عوز سے اغوا کیا گیا تھا۔ وہ حال ہی میں 48 سال کا ہو ا ہے،وہ اپنی سالگرہ کے وقت قید میں تھا۔

میران نے غیر واضح حالات میں ریکارڈ کی گئی ایک ویڈیو میں کہا ’’میں نے اپنی سالگرہ کا دن یہاں گزارا اور جشن نہیں منا سکا۔ کوئی خوشی نہیں، صرف خوف ہے۔‘‘ اس نے اسرائیلی افسران سے اپیل کی کہ وہ قیدیوں کے تبادلے کے لیے فوری معاہدے تک پہنچیں اور خبردار کیا کہ یرغمالیوں کا اسرائیلی فضائی حملوں میں مارے جانے کا خطرہ ہے۔