جگن اے پی کی بدحالی کی وجہ:شرمیلا

حیدرآباد: اے پی کانگریس کی سربراہ وائی ایس شرمیلا نے کہا ہے کہ ترقی کے بغیر ریاست کی بدحالی کی وجہ وزیراعلی وائی ایس جگن موہن ریڈی ہیں۔

انہوں نے کاکناڈامیں کانگریس کے لیڈروں اورکارکنوں سے خطاب کرتے ہوئے جگن کے ریمارکس کا جواب دیا جس میں انہوں نے کہا تھا کہ کانگریس پارٹی نے ریاست اور ان کے خاندان کو تقسیم کر دیا ہے۔

شرمیلا نے کہاکہ وائی ایس خاندان کی تقسیم کی وجہ جگن ہیں۔ بھگوان اور ان کی والدہ وجئے اماں اس کا ثبوت ہیں۔شرمیلانے کہاکہ جب وائی ایس آرکانگریس پارٹی مشکل حالات سے گذررہی تھی تو اُس وقت 18 ایم ایل ایز نے استعفیٰ دے دیاتھا۔

ایسے حالات میں پارٹی کو بچانے کیلئے خود انہوں نے 3,200 کلومیٹر کی یاترا کی تھی۔ شرمیلا نے کہاکہ جب بھی ضرورت پڑی انہوں نے اپنے بھائی جگن کی کامیابی کیلئے مہم چلائی تھی۔