گیتا پریس کو گاندھی امن انعام دینے پر جئے رام رمیش برہم
واضح رہے کہ گیتا پریس 1923 میں قائم کیا گیا تھا اور اب تک اس نے 14 زبانوں میں 141 کروڑ کتابیں شائع کی ہیں جن میں بھگوت گیتا کی 16 کروڑ کتابیں بھی شامل ہیں۔
نئی دہلی: کانگریس لیڈر جے رام رمیش نے ہندو صحیفوں پر کروڑوں کتابوں کے پبلشرگیتا پریس گورکھپور کو گاندھی امن انعام دینے کی مخالفت کرتے ہوئے سخت تبصرہ کیا ہے۔
کانگریس کمیونیکیشن ڈپارٹمنٹ کے انچارج جے رام رمیش نے گیتا پریس کو یہ ایوارڈ دینے کے حکومت کے فیصلے پر سخت رد عمل ظاہر کیا ہے۔ انہوں نے کہا کہ گیتا پریس کو 1921 کا گاندھی امن انعام دینا ونائک دامودر ساورکر اور مہاتما گاندھی کے قاتل ناتھو رام گوڈسے کو عزت دینے کے مترادف ہے۔
اس سے پہلے، حکومت نے سماجی شعبے میں اس کی شاندار شراکت کے لیے گیتا پریس گورکھپور کو گاندھی امن انعام دینے کا اعلان کیا ہے۔ ایوارڈ کے تحت ایک کروڑ روپے کی رقم اور ایک توصیف دی جاتی ہے۔
گیتا پریس نے ایوارڈ کو قبول کرتے ہوئے تاہم اس کے ساتھ دی جانے والی رقم کو یہ کہتے ہوئے لینے سے انکار کردیا کہ تنظیم کسی سے مالی مدد نہیں لیتی ہے۔
واضح رہے کہ گیتا پریس 1923 میں قائم کیا گیا تھا اور اب تک اس نے 14 زبانوں میں 141 کروڑ کتابیں شائع کی ہیں جن میں بھگوت گیتا کی 16 کروڑ کتابیں بھی شامل ہیں۔
