نرملا سیتارمن کے خلاف تحقیقات پر کرناٹک ہائی کورٹ کی روک

بنگلورو(پی ٹی آئی) کرناٹک ہائی کورٹ نے متروک الکٹورل بانڈ اسکیم میں مبینہ بے قاعدگیوں کے سلسلہ میں پیر کے دن مرکزی وزیر فینانس نرملا سیتارمن اور دیگر کے خلاف تحقیقات پر روک لگادی۔

جسٹس ایم ناگ پرسنا نے بی جے پی قائد نلن کمار کتیل کی درخواست پر عبوری حکم جاری کیا۔ معاملہ کی آئندہ سماعت 22 اکتوبر کو ہوگی۔

بنگلورو کی خصوصی عدالت کی ہدایت پر نرملا سیتارمن اور دیگر کے خلاف کیس ہفتہ کے دن درج ہوا تھا۔ ایف آئی آر میں بی جے پی کرناٹک یونٹ کے صدر بی وائی وجیندر کا بھی نام شامل ہے۔

سپریم کورٹ نے فروری میں الکٹورل بانڈ اسکیم کو یہ کہتے ہوئے رد کردیا تھا کہ یہ حق جانکاری اور آزادی ئ اظہارِ رائے کے خلاف ہے جس کی ضمانت دستور نے دی ہے۔