تلنگانہ میں کرناٹک نتائج دہرائے جائیں گے: کومٹ ریڈی

حیدرآباد: سینئر کانگریس قائد ورکن پارلیمنٹ بھونگیر کومٹ ریڈی وینکٹ ریڈی نے کہا کہ پارٹی کی جانب سے تلنگانہ کے آئندہ اسمبلی انتخابات میں کرناٹک کے نتائج دہرانے کیلئے تلنگانہ ایکشن پلان تیار کیا گیا ہے۔

آج یہاں صحافیوں سے بات چیت کرتے ہوئے انہوں نے کہا کہ پارٹی کی جانب سے انتخابات میں کامیابی حاصل کرنے کے صلاحیت کے حامل امیدواروں کے انتخاب کیلئے متعدد سروے کروائے جارہے ہیں ان سروے رپورٹس کی بنیاد پر امیدواروں کا انتخاب کیا جائے گا جہاں جہاں امیدواروں کے متعلق نتیجہ پر پہنچاجا چکا ہے وہاں پارٹی ہائی کمانڈ کی جانب سے ناموں کا اعلان کیا جائے گا۔

 وینکٹ ریڈی نے توقع ظاہر کی کہ جولائی کے تیسرے یا چوتھے ہفتہ تک زیادہ تر حلقوں کیلئے امیدواروں کے ناموں کا اعلان کر دیا جائے گا۔ یہاں اس بات کا تذکرہ ضروری ہے کہ گذشتہ روز پارٹی کے رکن قانون ساز کونسل ٹی جیون ریڈی نے کہا تھا کہ اسمبلی انتخابات کیل ئے پارٹی کی جانب سے 60 حلقوں کیلئے امیدواروں کے ناموں کو قطعیت دے دی گئی ہے۔