کے سی آراورہریش راو نے آبپاشی پراجکٹس کو مرکز کے حوالے کرنے کی فائل پر دستخط کیے تھے:کومٹ ریڈی

حیدرآباد: تلنگانہ کے وزیرعمارات وشوارع کومٹ ریڈی وینکٹ ریڈی نے سابق وزیراعلی و بی آرایس کے سربراہ چندر شیکھر راو سے مطالبہ کیا کہ وہ پہلے ضلع نلگنڈہ کے عوام سے معذرت خواہی کریں جس کے بعد ہی وہ ضلع کا دورہ کریں۔

انہوں نے میڈیا سے بات کرتے ہوئے الزام لگایا کہ سابق وزیراعلی کے چندرشیکھرراو اور اُس وقت کے وزیرآبپاشی ہریش راو نے آبپاشی کے پراجکٹس کو مرکز کے حوالے کرنے کی فائل پر دستخط کیے تھے۔

انہوں نے کہاکہ بجٹ میں تمام شعبوں کو مساوی ترجیح دی گئی ہے۔انہوں نے الزام لگایا کہ کے چندرشیکھرراو نے دھوکہ دے کر اقتدا رحاصل کیاتھا۔

انہوں نے چندرشیکھرراو کے قرضوں کو ریاست پر مالی بوجھ قرار دیتے ہوئے تنقید کی۔ انہوں نے کہا کہ کانگریس حکومت تمام شعبوں کی ترقی کے لیے پرعزم ہے۔