کےٹی راما راو کا برطانیہ و امریکہ کا دورہ، برطانیہ میں انڈیا ویک 2025 سے خطاب کریں گے

حیدرآباد: بھارت راشٹرا سمیتی (بی آر ایس) کے کارگذارصدر کے ٹی راما راؤ برطانیہ اور امریکہ کے اہم دورہ پر روانہ ہوگئے ہیں، جہاں وہ مختلف تقاریب میں شرکت کریں گے

ان میں امریکہ میں تلنگانہ کی یوم تاسیس تقاریب اور بی آر ایس سلور جوبلی تقریب شامل ہیں۔

اپنے دورہ کے پہلے مرحلہ میں کے ٹی راما راؤ لندن پہنچیں گے، جہاں وہ برج انڈیا کی جانب سے منعقدہ انڈیا ویک 2025 میں کلیدی خطاب کریں گے۔

اس موقع پر وہ تلنگانہ کی حکمرانی کے ماڈل، اختراعات پر مبنی ترقی اور بی آر ایس کی 9سالہ حکومت کی کامیابیوں کو اجاگر کریں گے۔