شہید مارگ پر کے ٹی آر کا انٹرویو ضابطہ اخلاق کی خلاف ورزی

حیدرآباد: ٹی پی سی سی سینئر نائب صدر جی نرنجن نے ریاستی وزیر کے ٹی راما راؤ پر سکریٹریٹ کے روبرو تلنگانہ شہید مارگ پر ٹی وی چینلس کو خصوصی انٹرویو دینے پر انتخابی ضابطہ اخلاق کے خلاف ورزی کا الزم عائد کیاہے۔

اورانہوں نے الیکشن کمیشن سے سوال کیا کہ آیا متعلقہ ریٹرننگ آفیسر سے عوامی مقام پر انٹرویو کے لئے کے ٹی آر نے اجازت حاصل کی تھی یا نہیں؟

اس انٹرویو میں سکریٹریٹ کی نوتعمیر شدہ عمارات‘ نوتعمیر شدہ شہید مارگ اور سکریٹریٹ کے اطراف کے علاقہ کی نمایاں طور پر کی گئی ویڈو گرافی کو پیش کیا گیا ہے۔

انہوں نے سوال کیا کہ پولیس کے ٹی آر کے انٹرویو کے لئے ڈرون کیمرہ سے تصویر کشی کی کس طرح اجازت دی؟ اس ویڈیو گرافی میں نوتعمیر شدہ امبیڈکر مجسمہ کو بھی نمایاں طور پر پیش کیا گیا۔

جی نرنجن جو آج گاندھی بھون میں پریس کانفرنس سے خطاب کررہے تھے۔ انہوں نے سی ای او تلنگانہ وکاس راج سے درخواست کی ہے کہ وہ انتخابی ضابطہ اخلاق کے خلاف ورزی پر کے ٹی آر کے خلاف کارروائی کریں۔

یا پھر کانگریس پارٹی کو بھی عوامی مقامات پر ٹی وی چینلس کو انٹرویو کی اجازت دی جائے۔