دبئی جیل سے وطن واپس افراد سے کے ٹی آر کی ملاقات

حیدرآباد : بی آر ایس کے کار گزار صدر کے ٹی آر کی کوششوں سے تلنگانہ کے و نوجوان جو قتل کے ایک مقدمہ میں 20 سال سے دبئی میں قید میں تھے ایک، ایک کرکے اپنے گھروں کو پہنچ رہے ہیں۔

گزشتہ بدھ کو سرسلہ اربن منڈل پیڈور کے ساکن دو بھائی شیو راتری ملیشم (48) اور شیو راتری روی (45) گھر پہنچ گئے۔

ان دونوں سے ملاقات کرنے آج کے ٹی آر پیڈور گاؤں پہنچے۔ کے ٹی آر نے ملیشم اور روی سے اور انکے گھر والوں سے بات چیت کی اور خیریت دریافت کی۔ کے ٹی آر کا ان ارکان خاندان کا پرتپاک استقبال کیا۔

ملیشم، روی اور ان کے ارکان خاندان نے کے ٹی آر کو خلیجی ملک متحدہ عرب امارات کی جیل سے رہا کرانے پر ان کا شکریہ ادا کیا۔

ملیشم نے کہا کہ انہیں صرف کے ٹی آر کی مدد سے رہا کیا گیا ہے۔ ان کی رہائی کے لیے 30 لاکھ روپے خرچ ہو چکے ہیں۔